Finnst engum þetta skrítið?

Ég minni enn og aftur á Lindsay Williams sem benti á að dollarinn færi niður í $50 á tunnu. Hann hafði þessar upplýsingar frá hátt settum manni innan olíugeirans. Þetta hefur skelfilegar afleiðingar í för með sér fyrir Arabaríkin þar sem olían er helsta tekjulindin. 

Fyrir stuttu síðan var olíuverð í hæstu hæðum og menn voru að tala um "peak oil" sem er bara þvæla. Afhverju er enginn að tala um það núna? Olíuverðinu er stjórnað á bakvið tjöldin en ekki af markaðnum. Sjá frekar hér og hér

Olíuverð lækkar enn

Athugasemdir

[Guðmundur Ásgeirsson, 12.11.2008 kl. 14:59]

Heill og sæll. Nú bíðum við bara spenntir eftir að sjá hvort kallinn reynist sannspár, það virðist allt stefna í það. Eitt er það samt sem vekur athygli mína í þessari lækkunarhrinu, að Brent (London) leiðir alltaf lækkunina og NYMEX fylgir rétt á eftir. Ég er reyndar ekki nógu vel að mér um olíuviðskipti til að meta hvaða þýðingu það hefur, en þetta er bara ákveðið munstur sem ég hef tekið eftir.

 

Btw. Neo, horfðirðu á Kompásþáttinn um olíuleitina á Drekasvæðinu? Þar kom m.a. fram að nú telur norska fyrirtækið Sagex að þar sé hugsanlega að finna allt að 10 milljarða tunna af olíu, og annað eins af gasi!!! Þann 15. janúar ætlar ríkisstjórn Íslands að bjóða út fyrstu umferð sérleyfa til olíuleitar og vinnslu á svæðinu. Ég hef ákveðnar efasemdir um tímasetninguna vegna lækkandi heimsmarkaðsverðs, óvissunnar um gengi og afdrif krónunnar, og stöðu efnahagsmála almennt. Miðað við hversu miklir hagsmunir eru í húfi vekur það furðu mína hversu litla umfjöllun þetta fær en áðurnefndur Kompás er t.d. það ítarlegasta sem komið hefur um þetta í fjölmiðlum og í þinginu eru allir uppteknir við önnur málefni líðandi stundar.

Til að gefa hugmynd af því hvað við erum að tala um mikla olíu þá eru 10 milljarðar tunna (bbl) nálægt því jafn mikið og er í norska hluta Norðursjávar. Svo fleiri dæmi séu tekin þá er heildarmagn í Mexíkó um 12 bbl, en stærsta olíusvæði heims, Ghawar í Saudi Arabíu er metið á 70 bbl. Útflutningsverðmætið af Drekaolíunni er talið geta verið um eða yfir 100 trilljónir (10¹⁴) kr. en sú upphæð gæti dugað fyrir ríkisútgjöldum í allt að 400 ár!!!

P.S. ef Bretar og Hollendingar halda áfram að beita okkur efnahagslegum þvingunum, þá gæti mann farið að gruna að það tengist í reynd þessum olíuhagsmunum. Tvö af stærstu (og gráðugustu) olíufélögunum í heiminum eru nefninlega British Petroleum og Royal Dutch Shell...

[Neo, 12.11.2008 kl. 19:07]

Blessaður Mummi,

Ertu búinn að sjá þessa: 

Olíuverð hríðlækkaði í dag

Það lítur út fyrir að Lindsay kallinn hafi rétt fyrir sér eins og stundum áður...

Þegar ég frétti af þessum hugsanlegu olíulindum við Íslandsstrendur datt mér datt mér strax í hug að það gæti tengst þessum þvingunum sem eru í gangi. Ég á eftir að kíkja á þáttinn, þetta er mjög áhugavert alltsaman. 

[Guðmundur Ásgeirsson, 13.11.2008 kl. 14:38]

Jamm 52,75$ á Brent og 56,35 á NYMEX er ansi geggjað ástand. Annar vil ég benda á færsluna sem ég skrifaði í gær um þetta olíuleitarmál hérna fyrir norðan landið. Miðað við hversu mikilvægt það gæti orðið fyrir framtíð þjóðarinnar finnst mér sorglegt hversu lítil umræða hefur verið um Drekasvæðið og þá möguleika sem það virðist nú bjóða upp á. Þetta drukknar bara allt í bankavitleysunni sem er svosem aldrei að vita nema sé bara partur af því prógrammi.